E ncun’annu a ssu paisu
nu progettu s’è decisu:
ppè llu trafficu alleviyeari
na rotonda am’e creyeari
e si vodimu cumpariri
ssu semaforu è dde spariri,
ca ni sta costannu chearu,
e di sordi allu conseari.
U facimu e scopu finu…
… c’allu Nord ci nnè chjinu.
E di singhi chi c’ho fattu
llo spartuta a metri e a quarti,
e na corda mò singheava
e nu pinniellu cancelleava.
L’autisti e ssu presenti
queasi queasi un capiscini nenti,
n’avutru dici: “Ssi cosi ì sacciu chjeari…
prima iu eye passeari,
e si tu un sa proprio nenti
va domanda allu Tenenti,
ca illu ssi cosi l’ha studieati
e nun cheadi alli peccheati.
Sudamenti ncunu peadu
l’è fuyutu allu signeadu”.
Ma i mmezzi veani avanti
e ssu cuntienti tutti quanti.
Nicola Manfredi